E base di e problema di salud mental serca cada individuo ta ora e perde conecion cu su ser paden. Esaki ta hustamente pasobra trauma (onderliggende) ta kibra den un hende su conecion cu su spirito (core/inspiracion) of su Ser/alma. E asina yama Caida di Gracia. Esaki tambe ta e problema mas profundo y base di nos problema di salud mental como pueblo, esta cu nos no tin un guia interno pa nos pais pero ta kere cu e Salbacion y direccion tin cu bin di pafor. Corda bon, un sistema colonial ya caba a perde su ser propio, pesey e ta purba di domina otro for di pafo. Mes cos cu un pais colonisador tambe ta perdi, pesey e no ta compronde cu e ta viola otro dor di purba control di pafor. Nos a adopta e sistema colonial cu ta mortal pa e alma paso e ta full di pafo. Pa busca control di pafo – pero paden e ta morto. Esaki, es decir, colonisacion y dus cu nos ta bibando den un sistema colonial (di un pais colonisador) ainda disfrasa di estado di derecho, ta keda e pink elephant in the room pa cu Salud Mental.
PSICOLOGIA COLONIAL
Aruba ta run riba modelonan di Hulanda Hulandes, un luga cu ainda mes no a decolonisa di su pensamento colonial, cu ya a faya caba. E psicologia cu nos ta copy paste cu ya ta bin di e sistema colonial (un sistema pa marca bo caba na laga otro determina bo direcion pabo) ta purba di remove e simptomonan di e trauma y e perdida di e conecion cu e guia interno (Ser) aki. Paso mas cu claro un sistema colonial lo no fomenta Autonomia y Soberania Mental den su colonianan y no den su propio hendenan. Pasobra e mesun sistema aki ta un resultado di e disconecion cu su ser paden aki. Un sistema cu a perde Su mes y a cay den un abysmo.
EPSTEIN FILES
Pesey locual ta saliendo afo aworaki entre otro cu e Epstein Files, pero di hopi otro revelacionan, ta cu e sistema aki pa cual tambe psicologia westers ta parti, ta pa sostene e sistema mes cual ta basa riba un huida di nan mesun sombra (pasado) y cu kier usa trauma pa desata y conecta cu un forsa robes paso a perde e conecion real cu su mes (Ser) y e fuente verdadero. Sconde y tapa trauma ta inherente na un sistema colonial y esey su cuido mental ta sirbi. E sistema kolonial aki, basa riba sconde y tapa (e sombra), a hiba nos precisamente na e contrario di kiko cuido mental real ta mester ta: namelijk, reconneccion cu nos mes: nos Ser interno. E sistema kolonial aki ta hiba na keda kibra e psique, te yega na un upside down core (Anti-Self of Anti-Cristo). Esaki nos ta bezig ta wak den e Epstein files. Y con e top riba e top ainda, manera den Testamento Bieu, ta alaba Baal.
JUNG vs FREUD
Freud y e psicologia cu a sali di Freud ta inherentemente colonial, paso e ta mara bo na pafor di bo mes. Mientras cu e psicologia di Carl Jung ta de-colonial paso e ta guiabo bek na bo paden. Jung a yama e Ser berdadero, e simbolo di Cristo, y pesey hopi ta asocia e sistema colonial, cu ta move full di pafo (TECH y split/cut off symptoms/Sombra) y no di paden, e sistema anti-Ser of anti-Cristo. Esaki ta hibando psicologia mes tambe den bira un psicologia di un machin robot (friew) y no e psique di e Sophia (sabiduria divino) pero inteligencia artificial. Freud a propaganda pedofilia y anti ser femenino cu ta e sombra di Babylon, y esaki a bira e psicologia colonial (na Aruba y full Caribe) unda cu Europa mes a exilia su mesun psicologia di Carl Jung cu si a bringa pa e femenino y e Ser real. Ta Jung a mustra nos cu ta e disconecion cu nos Ser interno ta e raiz di tur malesa mental. Freud a bira e base pa e psicologia colonial y psiquiatria cu nos ta usa akinan y copy paste di Hulanda. Freud di 1896 pa1897 a shift di kere cu su patientnan nan problema mental tabata bin di abuso sexual, pa na 1897 propaganda: cu e abuso sexual cu su clientenan ta raporta ta bin di nan propio fantasianan of unconscious desires. This pivot led to the development of the Oedipus complex theory, suggesting children possess innate sexual desires, shifting focus from external trauma to internal, infantile fantasies. Mi ta bay mas lew, e psicologia aki cu ta hiba na locual ta currency den west y na Hulanda y ta juist hiba na reprimi e trauma y memoria di abuso más aun ta hiba na yega na e upside Down Self cu awo nos ta wak den Epstein files cu ta un alabansa di e Anti-Self of Anti-Cristo, unda cu Jung su approach ta hiba na e Self of e Archetypo di e Cristo.
STOCKHOLM
Hopi ta den shock pa motibo di e Epstein files. E implicacionnan pa nos, sinembargo, ta profundo. Nos ta testigo di e caida di un sistema completo, na fondo un sistema kolonial, pero cu a keda disfraza su mes como democracia representativo y cu ainda no por wak su mes. E kier resusita atrobe, pero ta den un simbiosis completo cu makina/machine (transhumanism). E KOPI SUSHI Desde 2000 anja pasa caba ela worde describi como cu e ta hasi limpi pafor pero paden ta putri y te hasta morto paden. Yeshua tabata hasta yama nan pa tumbanan (zombie y vampire). E linea aki cu nunca kier a wak nan splinter (sombra) a sigi riba e mesun rumbo y a renace den otro forma den diferente epoca pa 2000 anja awo. Pero awo atrobe ela mustra su cara. Nos ta lidiando ainda cu e herencia psicologico di e sistema colonial aki cu awo ta saliendo na cla con enfermo e ta. Shonan, e sistema aki ta enfermo y ta hasiendo e pueblonan enfermo. E psicologia cu e timeline actual colonial cu nos ta aden, ta esun di Freud. Un biaha mi a wordo bisa cu den reino Hulandes ta Freud so ta practica, no Jung.
DECOLONISACION di PSICOLOGIA
Pa psicologia por drecha su mes y salba e crisis mental e mester un status aparte di e reductionismo medico di psiquiatria y di e modelo di gezondheidspsychologie (GZ) di Hulanda cu awo ta atrapa den e reducionismo medico, Freud y ta un satélite di psychiatria. Psiquiatria ta basa riba e curpa y celebro; y Psique-Psycho/logia ta e alma. Y den e sistema colonial y manera tur cos den dje, e cuido mental mes ta bou di un heracia di poder (machtshierarchie) cu psiquiatria na cabes mientras nan no ta e prome yama ariba e psique (psyche). Ta saliendo na cla cu e Epstein files ta extende straight na e sistemanan di Merca y Europa. No ta just hende den top ta involucra y ta stepping down na granel pero mester worde deteni, pero mas lew e sistema mes y vooral nos ta wak den e files: sciencia medico, psiquiatria y psicologia mes den e lugarnan aki ta parti di e sistema putri aki na mando y den top. Y ta presta pa wanta e sistema aki colonisa. Den e Epstein files por wak den luz cla di dia cu na Ivy League universities y hopi di Europa ta comprometé; e sistema y su cuido mental tambe. Nan psicologia ta sali di un sistema mental cu no ta klop y incluso a wordo disenja pa tapa of sconde trauma (sexual). No ta un coincidencia cu e strafuitkering pa crimennan sexual ta asina abou. E theorianan cu depresion ta bin di un desbalans quimico ta debunked y ta hasi mas danjo cu bon, pero ta sigi worde pusha pa e rason ariba menciona. Tambe e labeling di trastorno mental dor di psiquiatria a worde mustra di no tin base real. Full e modelo medico di e separacion di e curpa y mente (alma) cu ta e base di e sistema aki ta fout. Y ta hiba na wak e ser humano manera un machine y ta hiba na transhumanism. Y nan training di experto ta basicamente basa riba esaki y realmente ta AI unda tur gevoel y lived-experience ta out. Pero aun mas grave ta unda e sociedadnan aki ta bayendo cu nan technology lagando atras nan humanidad y labando nan sombra (cu droga psiquiatrico y psicologia cognitivo so) hibando nan Pueblo nan den un abismo mental sin salida. Awo a sali cu e paisnan colonial aki ta alaba BAAL y dus ta aki e sistema aki ta hibando su Pueblonan. Door di Stockholm syndrome lo ta duru pa wak e cosnan aki cu ta saliendo den e files.
EXPLOSIÓN
Psiquiatria a bira un forsa monstruoso pa repremi of suprimi e trauma su memoria cu ta hiba na explosionnan cu nos ta weitando rond di nos den suicidionan, acidentenan, maltrato, etc. Mas cu nunca nos tin cu decolonisa psicologia mes y bin cu un cambio profundo den nos structura y contenido di nos cuido mental na aruba cu lo bolter e destino actual di nos psicologia. Solamente si nos y Aruba henter logra, via trabou riba trauma, recobra nos centro (propio vos y Ser) pa guia nos mes di paden, lo e problema/crisis mental cambia y sanea. Tin un caminda pa cana pa bin cu e cambio cu mester. Keda pendiente pa un conferencia di prensa di nos asociacion di psicologo local pronto.